ԵՏՄ անդամ երկրները գազի ընդհանուր շուկայի ձեւավորման կոնցեպտի շրջանակներում մշակում են ազգային արժույթով փոխադարձ հաշվարկի հարցը։ Այս մասին հայտնել է ԵՏՀ էներգետիկայի եւ ենթակառուցվածքների նախարար Դանիլ Իբրաեւը։
«Այդ կոնցեպտի շրջանակներում պլանավորվում է քննարկել ազգային արժույթով փոխադարձ հաշվարկի հարցը»,- ասել է Իբրաեւը, փոխանցում է «Ինտերֆաքս»-ը։
Մոսկվայում ուրբաթ կայացել է ԵՏՀ Խորհրդի նիստը, որի արդյունքում խորհրդի ղեկավար, Ղազախստանի փոխվարչապետ Բակիտժան Սագինտաեւը լրագրողների հայտնել է, որ կոնցեպտը հավանություն է ստացել։
Ընդ որում, նա նշել է, որ նավթի եւ նավթամթերքի ընդհանուր շուկայում համանման կոնցպետը խորհրդի կողմից վերջնական հավանություն չի ստացել, բայց ընդհանուր առմամբ համաձայնեցվել է։
