Իլհամ Ալիեւի ռեժիմը փորձեց օրորցի մեջ խեղդել բողոքի ալիքները՝ մարկանց վախեցնելով ւժով, բայց դա նրան չհաջողվեց, գրում է Իտալիայում լուսյ տեսնոկ կոմունիստական Il Manifesto-ը (հեղինակը՝ Սիմոնե Ձոպելարո):
Հոդվածում, մասնավորապես, ասվում է.
«Ադրբեջանը պայթյունավտանգ ժամանակներ է ապրում նավթի գների անկման պատճառով: Երկիրը բարոյալքող կոռուպցիան եւ քաղաքական բռնաճնշումները (մամուլի ազատության ցուցանիշով աշխարհում ամենավերջին տեղերն է զբաղեցնում) իրավիճակը հասցրել են անդունդի եզրին:
Քաղաքացիական հասարակությունը, որը հոգնել է իշխանությունների անվերջանալի ամենաթողությունից, դուրս է եկել փողոց: Մի քանի մարդ է մահացել, հարյուրավոր մարդիկ կալանավորվել են: Կառավարությունը, շատ լավ իմանալով, թե որտեղից է գալիս ճգնաժամը, որոշել է վերջ տալ բողոքի ակցիաներին՝ մարդկանց վախեցնելով ուժով:
Չստացվեց, Հունվարին սկսվեց մանաթի անկումը: Bloomberg-ի տվյալներով, ադրբեջանական արժույթը այս տարվա առաջին 3 շաբաթվա ընթացքում արժեզրկվել է 52 տոկոսով:
Խելքը կորցրած Ալիեւի ռեժիմը չի հրաժարվել ուժից, բայց սկսել է փոխզիջում որոնել: Շատերին է զարմացրել Ալիեւի շուրջ 2 տասնյակ հրամանագրերը, որոնք նա հրապարակել է մեկը մյուսի հետեւից: Դրանցից մեկը վերաբերում է թոշակները 10 տոկոսով բարձրացնելուն:
Որոշվել է երկար տարիներ տեւող սպառազինությունների մրցավազքից հետո կտրուկ կրճատել պաշտպանական ծախսերը:
Իսկ հորիզոնում ամպեր են կուտակվում. Standard & Poor’s-ի գնահատականներով, 2016 թվականին Ադրբեջանի ՀՆԱ-ն կկրճատվի 1 տոկոսով, իսկ արժեզրկումը կհասնի 15 տոկոսի, մինչդեռ մեկ շնչին ընկնող եկամուտը կկրճատվի երկու անգամ:
Այ այսպիսի իրավիճակի հետ գործ ունի Ադրբեջանի նախագահը. Իրավիճակ, որը համեմատելի է Սաուդյան Արաբիայի ճգնաժամի հետ: Սա անսովոր իրավիճակ է ռեժիմի համար, որը տարիներով փորձել է իր քաղաքացիներին կերակրել համընդհանուր բարեկեցության մասին երազանքներով:
