Սիրիայի նախագահ Բաշար Ասադը հայտնել է, որ պատրաստ է կարգավորման շուրջ բանակցություններ վարել, միաժամանակ կշարունակի պայքարը մինչեւ երկրի լիակատար ազատագրում, ուրբաթ հայտնել է «Ֆրանս Պրեսս» գործակալությունը:
«Մենք լիովին հավատում ենք բանակցություններին…, սակայն եթե բանակցություններ ենք վարում, դա չի նշանակում, որ դադարեցնում ենք ահաբեկչության դեմ պայքարը: Երկու ուղին էլ Սիրիայում անխուսափելի են», — հայտնել է Ասադը գործակալությանը տված հարցազրույցում, տեղեկացնում է «ՌԻԱ Նովոստին»:
Սիրիական առաջնորդը միաժամանակ նշել է, որ ահաբեկչությունից ամբողջ երկրի ազատագրումը կարող է «երկար ժամանակ» պահանջել: