Փետրվարի 11-ին ոստիկանության Քանաքեռ-Զեյթունի բաժնում հաղորդում էր ստացվել, որ 24-ամյա Կարեն Մ.-ն գոտկային շրջանի ծակած-կտրած չթափանցող վերքով տեղափոխվել է հիվանդանոց:
Ոստիկանությունից NEWS.am-ին հայտնում են, որ ոստիկանության Երեւան քաղաքի վարչության եւ Քանաքեռ-Զեյթունի բաժնի ծառայողները պարզել են, որ վիճաբանության ժամանակ Կարեն Մ.-ին խոհանոցային դանակով հարվածել եւ վնասվածքը պատճառել է 25-ամյա Բագրատ Ա.-ն, ով փետրվարի 12-ին, ժամը 19-ին, ներկայացել է բաժին եւ տվել խոստովանական բացատրություն: Վերջինս նաեւ հաղորդում է տվել, որ վիճաբանության ժամանակ Կարեն Մ.-ն էլ ձեռքերով եւ ոտքերով հարվածել է իր մարմնի տարբեր մասերին` պատճառելով ֆիզիկական ցավ:
Նշանակվել է դատաբժշկական փորձաքննություն:
Կատարվում է քննություն: