Եթե Թուրքիան փակի սահմանը, փախստականների հոսքը կարող է Եվրոպա ուղղվել Ռուսաստանի տարածքով: Ֆիննական Ilta Sanomat պարբերականի փոխանցմամբ, այս մասին MTV հեռուստաալիքին տված հարցազրույցում հայտարարել է Մյունխենում անվտանգության հարցերի համաժողովին մասնակցող Ֆինլանդիայի նախագահ Սաուլի Նիինիստյոն: Այնտեղ նա հանդիպել է նաեւ ՌԴ նախագահ Վլադիմիր Պուտինի հետ:
«Եթե Թուրքիան փակի սահմանը փախստականների համար, նրանք կարող են անցնել Ռուսաստանի տարածքով, եւ Ռուսաստանը երկրորդ Թուրքիայի կվերածվի»,- հայտարարել է Նիինիստյոն:
Այսպիսի համեմատության Ֆինլանդիայի ղեկավարին մղել են ռուսական լրատվամիջոցները: Այդ թեմայով լուրերը Ռամբլերի եւ Յանդեքսի առաջին հորիզոնականներում են:
