Աշխարհում միայն մեկ մարդ կա, որը կարող է մեկ զանգով ավարտել Սիրիայում պատերազմը. դա Վլադիմիր Պուտինն է: Այս մասին հայտարարել է Մեծ Բրիտանիայի ԱԳ նախարար Ֆիլիպ Հեմոնդը:
«Ասադը կհեռանա, թե՞ կմնա, կախված է այն հանգամանքից, թե որքանով են ռուսները պատրաստ օգտագործել իրենց ազդեցությունը՝ նրան հեռացնելու համար»,- հայտարարել է նախարարը:
Նրա խոսքով, Սիրիայում շուրջ 150 հազարանոց «չափավոր ընդդիմության» ուժեր կան, որոնք նույնպես տուժում են ռուսական ավիահարվածներից:
Հեմոնդը Ռուսաստանին կոչ է արել դադարեցնել Սիրիայում ավիահարվածները՝ դրանք կոչելով «արյունալի ռմբակոծություն» եւ «խաղաղ տարածքների անկանոն ռմբակոծություն»:
