Սնանկ ճանաչված «Էյր Արմենիա» ավիաընկերությունն առողջացման ծրագիր է ներկայացրել, սակայն դեռեւս ներդրումների վերաբերյալ դեռեւս տեղեկատվություն չկա:
NEWS.am-ի թղթակցի հետ զրույցում ավիաընկերության մամուլի խոսնակ Սիրակ Համբարձումյանը նշեց, որ փետրվարի 16-ին առաջին դատական նիստը կայացել է:
«Երբ առողջացման ծրագրի վերաբերյալ դատարանի որոշումը կլինի, մենք արդեն կխոսենք ներդրումների մասին»,- ասաց Սիրակ Համբարձումյանը:
Հիշեցնենք, որ 2015թ. օգոստոսի 12-ին հայկական ավիաընկերությունը հայտարարել էր, որ իր բալանս է մուտք արվել 68 մլն դոլարի արժեթուղթ: Սակայն նոյեմբերի 2-ին Երեւանի Կենտրոն եւ Նորք Մարաշ վարչական շրջանների ընդհանուր իրավասության դատարանը սնանկ ճանաչեց «Էյր Արմենիային»: