Volkswagen-ը մինչեւ տարվա վերջ կորոշի՝ համագործակցե՞լ, արդյոք, ռուսական «ԳԱԶ»-ի հետ, թե` ոչ։ Սեպտեմբերի 18-ին այս մասին հայտարարել է Ռուսաստանում Volkswagen-ի ներկայացուցչության տնօրեն Դիտմար Կորցեկվան։

Նշենք, որ սեպտեմբերի սկզբին Volkswagen Group-ի տնօրենների խորհրդի նախագահ Մարտին Վինտերկորնը Ռուսաստանի նախագահ Վլադիմիր Պուտինի հետ հանդիպման ժամանակ հայտարարել էր, որ Volkswagen-ը կարող է համգործակցել «ԳԱԶ»-ի հետ։

Volkswagen Group-ն աշխարհում ամենամեծ ավտոարտադրողներից է։ Ընկերությունը արտադրում է Volkswagen, Audi, Seat, Skoda բրենդների մեքենաներ։ Ընկերության մաքուր շահույթը անցած տարվա նույն ժամանակահատվածի համեմատությամբ, 2010 թվականի առաջին կիսամյակում աճել է 3 անգամ՝ կազմելով 1,67 մլրդ եվրո։