Թուրքիայի վարչապետ Ահմեդ Դավութօղլուն հայերի նկատմամբ թշնամանք հրահրող հայտարարություն է արել։
Թուրքական T24.com կայքի փոխանցմամբ՝ Թուրքիայի վարչապետ Ահմեդ Դավութօղլուն, փորձելով քննադատել քրդական «Ժողովուրդների դեմոկրատական» կուսակցությանը, հայտարարել է․ «Քրդերը «հայ ավազակախմբերի» պես Ռուսաստանի հետ համագործակցում են, գնում են Մոսկվայում ներկայացուցչություն են բացում»։
Նշենք, որ Թուրքիայում 1915-ի Հայոց ցեղասպանության ժամանակ իրենց կյանքը պաշտպանել ցանկացողներին անվանում են «ավազակախմբեր», քանի որ վերջիններս փորձել են զենքով պաշտպանվել կոտորածից։