Հրանտ Դինքի սպանության գործով նոր մեղադրական զեկույցում հայտնվել է կից փաստաթուղթ, որում նշվել է, թե Թուրքիայի ազգային հետախուզության ծառայությունը Թուրքիայի հայ համայնքին հետեւում է «էթնիկ պառակտիչ գործունեություն» ենթավերնագրի տակ։
Ինչպես տեղեկացնում է Ստամբուլի հայկական «Ակոս»-ը, 2011 թվականի մարտի 1-ից 30-ը Թուրքիայի ազգային հետախուզության ծառայությունը (MIT) երկրի բոլոր ոստիկանական բաժանմունքներին ու հետախուզական վարչություններին հայերի, հույների, ասորիների ու մի շարք կազմակերպությունների հետ կապված «աշխատանքային գրքույկ» է ուղարկել։ Հիշյալ գրքույկի մեջ «Էթնիկ պառակտիչ գործունեություն» ենթավերնագրի տակ տեղ է գտել «Հայ լինել» բաժինը։
Հիշյալ գրքույկ-փաստաթուղթը կցվել է Հրանտ Դինքի սպանության գործով նոր մեղադրական զեկույցին։
