ԱՄՆ Կոնգրեսի անդամ Աննա Էշուն ողջունել է բանաձեւը, որով քրիստոնյաների, եզդիների եւ այլ փոքրամասնությունների դեմ ԻԼԻՊ-ի գործողությունները ցեղասպանություն են ճանաչվում:
Հայկական արմատներ ունեցող Էշուն փաստաթղթի ընդունումը «ճակատագրական պահ» է կոչել:
«Այս բանաձեւի ընդունումն ինձ համար մեծ նշանակություն ունի՝ որպես ասորական եւ հայկական արմատներով Կոնգրեսի միակ անդամի: Այդ ցեղասպանությունը կրկնությունն է այն ամենի, ինչը վերապրել է իմ ընտանիքը: Իմ տատիկն ու պապիկը Մերձավոր Արեւելքում հետապնդման են ենթարվել, քանի որ քրիստոնյա էին: Աղոթում եմ, որպեսզի գա այն օրը, երբ տարածաշրջանում խաղաղություն կհաստատվի, որպեսզի տարածաշրջանի հնագույն կրոնական համայնքներն անվտանգության մեջ ապրեն իրենց նախնիների հայրենիքում»,- CNSNews-ին տված հարցազրույցում հայտարարել է Աննա Էշուն: