Ֆլորիդայում RM Sotheby's աճուրդում վաճառվել է եռանիվ փոքր մեքենաներից մեկը՝ Peel P50-ը, որը Մեծ Բրիտանիայում թողարկվել է 1962-1965 թվականներին: Անանուն գնորդը բազմիցս աշխարհում ամենափոքրը ճանաչված մեքենայի համար 176 հազար դոլար է վճարել:
Ըստ Motor-ի, այս մեքենան մեր օրերում պահպանված 26 Peel P50-երից մեկն է: Ընդհանուր առմամբ, այդպիսի 47 մեքենա է արտադրվել: Մինչ աճուրդը մեքենան պատկանել է ամերիկացի մի կոլեկցիոների:
Peel P50-ը հայտնի է դարձել Top Gear ավտոմոբիլային շոուի շնորհիվ: Շոուի 10-րդ սեզոնի 3-րդ մասում, որը հեռարձակվել է 2007 թվականին, Ջերեմի Քլարքսոնը դրանով երթեւեկել է BBC-ի գրասենյակով: