Վրաստանում ՀՀ դեսպան Յուրի Վարդանյանը մարտի 23-ին հանդիպել է Վրաստանի արտաքին գործերի նախարար Միխաիլ Ջանելիձեի հետ եւ քննարկել երկկողմ հետաքրքրություն ներկայացնող մի շարք հարցեր:
ԱԳՆ-ից NEWS.am-ին հայտնում են, որ հանդիպման ընթացքում կողմերը փաստել են, որ ներկայումս աշխարհում եւ տարածաշրջանում տիրող բարդ իրավիճակում Հայաստանի եւ Վրաստանի միջեւ պատմական բարիդրացիական եւ եղբայրական հարաբերությունները առանձնակի նշանակություն են ձեռք բերում:
Հանդիպմանը նաեւ քննարկվեցին Վրաստանի արտաքին գործերի նախարարի Հայաստան կատարելիք պաշտոնական այցի հետ կապված մի շարք հարցեր: