Մոսկվան Ղարաբաղյան հակամարտության կողմերին զսպվածության եւ բռնությունից անհապաղ հրաժարվելու կոչ է անում: Այս մասին ապրիլի 2-ին ասել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է RIA Novosti-ն:
«Կողմերին զսպվածության եւ ցանկացած բռնությունից անհապաղ հրաժարվելու կոչ ենք անում»,- ասել է նա՝ մեկնաբանելով ղարաբաղյան հակամարտության գոտում իրավիճակի սրումը:
Զախարովան նաեւ հայտնել է, որ Ռուսաստանը ԵԱՀԿ ՄԽ գործընկերների հետ խորհրդակցություններ է վարում: «Մենք հետեւում ենք իրավիճակին»,- ասել է նա:
ԵԱՀԿ ՄԽ-ն եկող շաբաթ Վիեննայում հերթական նիստը կանցկացնի, որտեղ քննարկվելու է հակամարտության գոտում իրավիճակի սրումը, RIA Novosti-ին հայտնել է կազմակերպությունում գործակալության աղբյուրը:
