Հայաստանը միանշանակ պետք է դուրս գա ՀԱՊԿ եւ ԵՏՄ կազմից։ Այս մասին ապրիլի 13-ին՝ մամուլի ասուլիսի ժամանակ, ասել է «Ժառանգություն» կուսակցության կառավարման փոխնախագահ Արմեն Մարտիրոսյանը։
Նա հիշեցրել է, որ Հայաստանի եւ Ռուսաստանի միջեւ ազատ առեւտրի մասին համաձայնագիր է գործում։ «Թե Հայաստանին ինչի համար է պետք ԵՏՄ-ն, անհասկանալի է։ Ռուսաստանի հետ մենք ռազմավարական դաշնակցության մասին պայմանագիր ունենք, որը գործում է 1995-ից։ Ինչների՞ս էր պետք ՀԱՊԿ-ը, նույնպես անհասկանալի է։ Դա Հայաստանին ոչինչ չի տալիս։ Հետեւաբար, Հայաստանը պետք է դուրս գա այդ 2 կառույցներից»,- ասել է Մարտիրոսյանը։
