ՀՀ նախագահ Սերժ Սարգսյանն այսօր՝ ապրիլի 21-ին, շնորհավորական ուղերձ է հղել Հայաստանի Հանրապետության ժողովրդական նկարիչ Ռոբերտ Էլիբեկյանին՝ ծննդյան 75-րդ տարեդարձի առթիվ:
«Դուք արվեստագետների այն սերնդի ներկայացուցիչներից եք, որոնք դեմ գնալով ժամանակի կարծրատիպերին, նոր էջ բացեցին հայ կերպարվեստի պատմության մեջ:
Լինելով հայ գեղարվեստի վարպետների արժանավոր հետեւորդը եւ Ձեր ընտանեկան նկարչական ավանդույթների շարունակողը՝ Դուք կարողացել եք կերտել գույների ու ձեւերի մի ինքնատիպ աշխարհ, որ վաղուց ճանաչման է արժանացել ոչ միայն Հայաստանում, այլեւ արտերկրի հեղինակավոր ցուցասրահներում: Բարձր գնահատականի են արժանի նաեւ Ձեր բեմանկարչական աշխատանքները, որոնք մեծապես նպաստել են հայ թատրոնի ու կինոյի զարգացմանը:
Կրկին շնորհավորելով նշանակալի հոբելյանի առթիվ՝ մաղթում եմ Ձեզ քաջառողջություն, ստեղծագործական նորանոր նվաճումներ եւ ամենայն բարիք»,-ասված է ՀՀ նախագահի շնորհավորական ուղերձում:
