Եվրոպայի խորհրդի «Ժողովրդավարություն հանուն ապագայի» ժողովդրդավարական ֆորումը տեղի կունեն հոկտեմբերի 19-20-ին` Երեւանում: Այս մասին NEWS.am-ի թղթակից հետ զրույցում ասաց Հայաստանի ԱԺ Եվրաինտեգրացիայի հարցերով հանձնաժողովի ղեկավար, ԲՀԿ խմբակցության պատգամավոր Նաիրա Զոհրաբյանը: Նրա խոսքով, ֆորումին քննարկվելու են ժողովրդավարական կառավարման սկզբունքները, մարդու իրավունքներին վերաբերող հարցեր, ինչպես նաեւ տարբեր ոլորտներում ունեցած հաջողություններն ու թերությունները:
Միջոցառմանը մասնակցելու համար, Երեւան են ժամանելու ԵԽ գլխավոր քարտուղար Տուրբըրն Յագլանդը, ԵԽԽՎ նախագահ Մեվլութ Չավուշօղլուն եւ ԵԽ մարդու իրավունքների հարցերով հանձնակատար Թոմաս Համերբերգը, որոնք ֆորումի ժամանակ հանդես կգան ելույթներով:
«Հայաստանի հարցով համազեկուցող Գորան Լինդբլադը շատ ջանք թափեց, որ այս ֆորումը Հայաստանում չանցկացվի, սակայն, ինչպես տեսնում եք, որոշումն ընդունվել է ի օգուտ մեզ»,- նշեց Զոհրաբյանը:
