Վերջին մեկ տարում Հայոց ցեղասպանության թանգարան-ինստիտուտ է այցելել մոտ 180 հազար մարդ։ Այս մասին ապրիլի 22-ին մամուլի ասուլիսի ժամանակ հայտնել է Ցեղասպանության թանգարան- ինստիտուտի տնօրեն Հայկ Դեմոյանը:
Նրա խոսքով՝ Թանգարանի այցելուներից 1500-ը Թուրքիայի քաղաքացիներ են։ «Մայիսին Ռիգայում՝ հրեական գետտոյի տարածքում, կբացվի Հայոց ցեղասպանությանը նվիրված ցուցադրություն։ Դա երկրորդ մշտական ցուցահադրությունն է։ Նախկինում նման ցուցադրություն էր բացվել Լիբանանում»,- նշել է Դեմոյանը եւ հավելել, որ առաջին անգամ Հայոց ցեղասպանության մշտական ցուցադրություն կբացվի եվրոպական քաղաքում։
«Հուսանք դա միայն սկիզբն է»,- ասել է նա։