Աշխարհում տեղյակ չեն Լեռնային Ղարաբաղում Ադրբեջանի կիրառած վայրագությունների մասին: Այս մասին NEWS.am-ի հետ զրույցում ասաց պատմաբան Փոլ Լեւինը, որը Երեւանում է՝ մասնակցելու «Ընդդեմ ցեղասպանության հանցագործության» գլոբալ ֆորումին:
«Ես թերթեր շատ եմ կարդում, կարդացել էի կոնֆլիկտի մասին, բայց չէի կարդացել վայրագությունների մասին: Ինձ մարդիկ են ասել դրա մասին, կարծում եմ՝ աշխարհը չգիտի: Այդ պատճառով Հայաստանի կառավարությունը եւ լրագրողները պետք է այնպես անեն, որ միջազգային հանրությունը նույնպես տեղեկանա, միջազգային մամուլում հայտնվեն այդ դեպքերը»,- ասաց նա:
Պատմաբանը նշեց, որ Ադրբեջանը պետք է դատապարտվի վայրագություների համար:
«Անշուշտ, պետք է խստորեն դատապարտվեն բռնությունները, բայց դա ինչ-որ բան փոխո՞ւմ է. երբեմն այո, երբեմն՝ ոչ»,- ասաց նա:
