Եվրոպական խորհրդի նախագահ Դոնալդ Տուսկը Թուրքիա կատարած այցի ժամանակ նախագահ Ռեջեփ Թայիփ Էրդողանին խորհուրդ է տվել ավելի «հաստակաշի» լինել:
Տուսկը նշել է, որ մամուլի ազատությունը եղել է Թուրքիայի ղեկավարության հետ միգրանտների հետընդունման հարցով բանակցությունների ժամանակ քննարկված թեմաների շարքում:
Տուսկի խոսքով՝ Էրդողանը պետք է «հաստ կաշի» ունենա, քանի որ ինքը ոչ մի ակնկալիք չունի, որ մամուլը նրա նկատմամբ հարգանք կամ հոգածություն կցուցաբերի:
«Քննադատության, վիրավորանքի եւ զրպարտանքի սահմանը շատ նուրբ է եւ հարաբերական: Այն պահը, երբ քաղաքական գործիչը որոշում է, որ լրագրողներն այդ սահմանը խախտել են, կարող է դառնալ Եվրոպայում, Թուրքիայում, Աֆրիկայում, Ռուսաստանում, ամենուր խոսքի ազատության վերջը», – մեջբերում է նրա խոսքը Reuters-ը:
