Հայոց ցեղասպանության զոհերի հիշատակին այսօր՝ ապրիլի 24-ին, երեկոյան Երեւանում երկինք բաց թողեցին ավելի քան 300 լուսավորված օդապարիկներ: Արդեն երկրորդ տարին անցկացվող միջոցառումը խորհրդանշում է Եղեռնի զոհերի հոգիների երկինք բարձրանալը:
«Այս նախաձեռնությունն արդեն ավանդույթ է դառնում: Մենք օդապարիկների վրա գրել էինք՝ ես պահանջում եմ իմ տունը Խարբերդում, կամ այլ վայրում: Այս տարի առաջին անգամ մենք նաեւ գումար ենք հավաքել, որ օգնենք զոհված զինծառայողներից մեկի ընտանիքին»,- NEWS.am-ին ասաց նախաձեռնության հեղինակ Հայկ Մարկոսյանը:
Օդապարիկները բաց են թողել Կիեւյան կամրջից ու դրա հարեւանությամբ գտնվող Թումանյանի այգուց:
