Անցած տարի վաճառքում հայտնված Apple Watch «խելացի ժամացույցի» վաճառքի ցուցանիշները գրեթե կրկնակի գերազանցել են iPhone սմարթֆոնների վաճառքը դրանց թողարկման առաջին տարում, հայտնում է The Wall Street Journal–ը:
Եվ այսպես, մեկ տարում վաճառվել է մոտավորապես 12 մլն ժամացույց: Իսկ ահա iPone–ի վաճառքի առաջին տարում գնվել էր ընդամենը 6 մլն սարք:
Apple –ը դեռ չի հրապարակել «խելացի ժամացույցների» վաճառքի պաշտոնական վիճակագրությունը, բայց IDC-ի վերլուծաբանների տվյալներով SmartWatch-ն անցած տարի զբաղեցրել է «խելացի ժամացույցների» շուկայի մեծ մասը՝ ընդհանուր ծավալի մոտավորապես 61 տոկոսը:
