Ապրիլի 25-ին Հալեպում, այսպես կոչված, «չափավոր ընդդիմության» հրթիռակոծության հետեւանքով 2 հայ է զոհվել, եւս 3-ը՝ վիրավորվել: Սիրիայի հայկական «Գանձասար» պարբերականի փոխանցմամբ, ահաբեկիչները հրթիռներ են արձակել հայաբնակ Սուլեյմանիե թաղամասի ուղղությամբ:
Սիրիայի խորհրդարանի հայ պատգամավորներից մեկը Facebook-ի իր էջում տեղադրել է Հալեպի տարածքում ընկած հրթիռի լուսանկարը, որի վրա գրված է «Շահիդ Էնվեր փաշա»:
Հիշեցնենք, որ Էնվեր փաշան երիտթուրքերի կուսակցության առաջնորդներից էր, ռազմական հանցագործ, 1915 թվականի Հայոց ցեղասպանության մասնակիցներից եւ գաղափարախոսներից մեկը: