93 տարեկանում մահացել է ֆրանսիացի գրող Մարտին Գրեյը, որը հայտնի է «Նրանց համար, ում սիրում եմ» ինքնակենսագրական ստեղծագործությամբ: Այս մասին գրում է L'Express-ը:
Գրողին մեռած են գտել բելգիական Սինեյ քաղաքի իր առանձնատան լողավազանում: RTL-ի փոխանցմամբ, ոստիկանության փորձագետները նրա մարմնի վրա կասկածելի ոչ մի հետք չեն հայտնաբերել:
1922 թվականին Վարշավայում ծնված Գրեյին ճանաչում բերեց, մասնավորապես, նրա ինքնակենսագրական գիրքը, որում նա նկարագրել է, թե ինչպես է կորցրել իր ընտանիքին, որի մի մասին ոչնչացրել են նացիստական համակերտրոնացման ճամբարներում, իսկ ընտանիքի անդամներից մեկն էլ 1970 թվականին զոհվել է Ֆրանսիայի հարավում անտառային հրդեհի ժամանակ: Նա նաեւ մի քանի տասնյակ այլ գրքերի հեղինակ է:
Ըստ «Ինտերֆաքս»-ի, գրողը Դինա Գրեյի հիմնադրամ է ստեղծել, որի նպատակն անտառային հրդեհների դեմ պայքարն ու մարդկանց պաշտպանությունն է: