Մեքսիկայի Ակապուլկո քաղաքում ոստիկանության եւ հանցագործների միջեւ փողոցային մարտեր են տեղի ունեցել։ Մեքսիկայի ամենահայտնի կուրորտային քաղաքը մի քանի ժամով կաթվածահար էր եղել հրաձգության պատճառով։ Քաղաքում փակ է դպրոցների մեծ մասը։
Նախորդ գիշեր ոստիկանության վրա հարձակումներ էին տեղի ունեցել։ Զինված հանցագործները կրակ էին արձակել շենքերի վրա, որտեղ ապրում են իրավապահ մարմինների աշխատակիցները։ Ոստիկանները պատասխան կրակ էին արձակել։ Դրա հետեւանքով առափնյա քաղաքում իսկական փողոցային մարտեր են բռնկվել։
Միաժամանակ մեկ այլ խմբավորում գրոհել է դաշնային ոստիկանության շտաբը, իրավապահները հետ են մղել հարձակումը։
Փակ են դպրոցների 2/3-ը, շատ հաստատություններ, խանութներ, փոխանցում է «ՌԻԱ Նովոստի»-ն։