Հայաստանը պետք է գտնի իր Կորոլյովին։ Այս մասին ապրիլի 26-ին ԱԺ-ում ասել է ԲՀԿ պատգամավոր Միքայել Մելքումյանը։
«Մենք սպառազինությունների հետ կապված մեծ աշխատանք ունենք անելու։ Համապատասխան տեխնոլոգիաներ են անհրաժեշտ։ Սակայն դրա համար մեր ռազմական ինստիտուտները պետք է պատվերներ ստանան։ Մենք պետք է մեր Կորոլյովին գտնենք։ Ու՞ր են այն կոնստրուկտորներն ու կոնստրուկտորային գրասենյակը, որոնք անհրաժեշտ տեխնոլոգիաներ են մշակում։ Այս հարցերը պետք է արագ լուծել»,- ասել է նա։
