Քաղաքական գործիչներն ու հասարակությունը պետք է հիշեն. այսօր հայտնվածները չեն կարող հաղթել վաղը։ Այս մասին ապրիլի 27-ին լրագրողներին ասել է ԱԺ խոսնակ Գալուստ Սահակյանը։

Անդրադառնալով հարցին, թե ինչ է նա մտածում նոր «Համախմբում» կուսակցության մասին, որը ստեղծում է ԱԳ նախկին նախարար վարդան Օսկանյանը, ԱԺ խոսնակն ասաց. «Այսօր ստեղծել կուսակցություն եւ մտածել, թե վաղը այն կհաղթի. երբեք կյանքում նման բան չի եղել։ Սկզբում պետք է հնարավորություններ ունենաս, որպեսզի ստեղծես։ Ուրիշների վրա հույս դնելը լավագույն ուղին չէ»։