«Իսլամական պետություն» ահաբեկչական խմբավորման նվաճումները առանցքային սպառնալիք են միջազգային կայունությանը, քանի դեռ խմբավորումը չի ոչնչացվել, ոչ ոք չի կարող իրեն ապահով զգալ։ Այս մասին Ասիայում փոխհամագործակցության եւ վստահության միջոցների խորհրդակցության նիստում ասել է ՌԴ արտգործնախարար Սերգեյ Լավրովը։
«Մերձավոր Արեւելքում իրավիճակը սերտորեն մոտեցել է գծին, որից այն կողմ սկսվում է տարածաշրջանի քաղաքական քարտեզի ավերումը։ Դա «ժողովրդավարության արտահանման» եւ ռեժիմների տապալման արտաքին սադրանքների եւս մեկ պերճախոս վկայություն է»,- ասել է Լավրովը, փոխանցում է «ՌԻԱ Նովոստի»-ն։
Նա նշել է, որ Իրաքը, Սիրիան եւ Լիբիան պատած քաոսն աննախադեպ ահաբեկչական սպառնալիք է ծնել։
