Ռուսաստանը ԵՏՄ-ն չի հակադրում մյուս ինտեգրացիոն նախագծերին։ Այս մասին Պեկինում Ասիայում փոխհամագործակցության եւ վստահության միջոցների խորհրդակցության նիստում ասել է ՌԴ արտգործնախարար Սերգեյ Լավրովը։
Նրա խոսքով՝ «չբաժանելու» տրամաբանությունը կիրառելի է ոչ միայն անվտանգության, այլ նաեւ գլոբալ տնտեսական տարածքների համար։ Հենց նման փիլիսոփայությամբ էլ, ըստ Լավրովի, ղեկավարվում են եվրասիական նախագծի մասնակիցները՝ ի տարբերություն «փակ» դաշինքների։
«Մենք ԵՏՄ-ն չենք հակադրում մյուս ինտեգրացիոն նախագծերին։ Պատրաստ ենք աշխատել դրանց ներդաշնակեցման ուղղությամբ»,- ասել է Լավրովը, փոխանցում է «ՌԻԱ Նովոստի»-ն։
Լավրովի կարծիքով ինտեգրման ուղղությամբ համատեղ շարժվելն ու խոշոր ազգային եւ միջսահմանային նախագծերի ներդաշնակեցումը լայն փոխշահավետ հեռանկարներ են բացում։
