Թուրքիան ռազմական բազա է բացել Կատարում: Այդ մասին ապրիլի 28-ին Կատար իր այցի ընթացքում հայտնել է Թուրքիայի վարչապետ Ահմեդ Դավութօղլուն:
«Այսօր ռազմական ոլորտում համագործակցության համաձայնագիր է ստորագրվել, որի համաձայն, սկսել է գործել Թուրքիայի` Կատարում տեղակայված ռազմական բազան», — Դոհայում մամուլի ասուլիսին հայտնել է Դավութօղլուն: Նա հավելել է, որ առաջնահերթ են համարվում պաշտպանական արդյունաբերության ոլորտում երկու երկրի համատեղ նախագծերը:
Կատար այցի ընթացքում Դավութօղլուն կայցելի բազայում Թուրքիայի զինված ուժերի ցամաքային զորամիավորումների շտաբ, հայտնում է «ՌԻԱ Նովոստին»:
