Ամերիկյան Google կորպորացիան Պավել Դուրովի ստեղծած Telegram մեսենջերը նվազագույնը 1 մլրդ դոլար է գնահատել: Այս մասին գրել է «Ֆիրմայի գաղտնիքը» կայքը՝ վկայակոչելով Telegram-ին մոտ կանգնած աղբյուրը: Տեղեկությունը ՌԲԿ-ի հետ զրույցում հաստատել են նաեւ Դուրովի երկու մերձավորները:
Google-ը դիտարկում է Telegram-ը գնելու հնարավորությունը: ՌԲԿ-ի զրուցակիցների մեկի փոխանցմամբ, ամերիկյան կորպորացիայի առաջարկը Դուրովին չի գոհացրել:
Հանդիպումը կայացել է Google-ի նախաձեռնությամբ: Telegram-ի հիմնադիրը հանդիպել է կորպորացիայի գլխավոր տնօրեն Սունդար Պիչաիի հետ:
Նոյեմբերին գործարարը պարբերականին հաղորդել էր, որ Telegram-ը 3-4 մլրդ դոլար է գնահատում՝ այդ թվում ելնելով պոտենցիալ ներդրողներից ստացված առաջարկներից:
