2014 թ. հունիսի 7-ին Երեւանի Շենգավիթ համայնքում իրենց տանը 65-ամյա մորն սպանելու մեջ մեղադրվող 45-ամյա Սամվել Դարբինյանի գործով դատաքննությունը վերսկսվել է: NEWS.am-ի հետ զրույցում Սավել Դարբինյանի պաշտպան Լյուդվիգ Ավետիսյանը նշեց, որ 65-ամյա կնոջ մահվան ժամի հետ կապված հակասություններ կան եւ անհրաժեշտություն է առաջացել դատաբժշկին հարցաքննելու:

«Դատաքննությունը վերսկսվել է, դատավորը պահանջեց, որ հարցաքննվի նաեւ դատական բժիշկը՝ կապված կնոջ մահվան օրվա եւ ստույգ ժամը հետ ճշտելու հետ: Իմ ճառից հետո անհրաժեշտություն  առաջացավ որոշ բաներ պարզելու, մասնավորապես՝ պետք է դատաբժշկին հարցաքննեն»,-ասաց պաշտպանը:

Մեղադրողը Սամվել Դարբինյանի համար պահանջել էր 12 տարի:

Նշենք, որ մորն սպանելու մեջ եղադրվող 45-ամյա տղամարդը պնդում է , որ իրեն անհիմն, սուտ ցուցմունքների վրա հիմնված մեղադրանք է առաջադրվել, նա իրեն առաջադրված մեղադրանքում մեղավոր չի ճանաչում:

Նշենք, որ Սամվել Դարբինյանը մեղադրվում է ՀՀ քրեական օրենսգրքի 104-րդ հոդվածի 1-ին մասով՝ Սպանությունը՝ ապօրինաբար մեկ ուրիշին դիտավորությամբ կյանքից զրկելը, որը պատժվում է ազատազրկմամբ՝ վեցից տասներկու տարի ժամկետով: Սամվել Դարբինյանը ճանաչվել է մեղսունակ: Մեղադրողը նրա համար 12 տարվա ազատազրկում է պահանջել։