Facebook-ը երեք տարվա ընթացքում ավելի քան 12 մլն դոլար է ծախսել ընկերության հիմնադիր եւ ղեկավար Մարկ Ցուկերբերգի անվտանգությունն ապահովելու համար:
Ցուկերբերգը մշտապես «հատուկ սպառնալիքների» է ենթարկվում, այդ պատճառով ընկերությունը միլիոնավոր դոլարներ է ծախսում Սան Ֆրանսիկոյի նրա տան անվտանգության համակարգի եւ ճամփորդությունների ժամանակ թիկնապահների խմբի համար, որը գլխավորում է նախկինում նախագահ Բարաք Օբամայի անվտանգությունն ապահոված Գաղտնի ծառայության նախկին բարձրաստիճան աշխատակիցը:
Բացի այդ, Facebook-ի հիմնադիրը նախընտրում է տեղաշարժվել ընկերության տրամադրած ավտոմեքենաներով եւ օդանավերով: Այս մասին գրում է Lenta.ru-ն՝ վկայակոչելով Bloomberg-ը:
Արդյունքում 2013 թվականին Ցուկերբերգի անվտանգության պահպանության համար 2.65 մլն դոլար է ծախսվել, 2014-ին՝ 5.6 մլն դոլար, իսկ 2015-ին՝ 4.26 մլն: