Apple-ի խոշորագույն բաժնետերերից Կառլ Այքանը վաճառել է ընկերությունում իրեն պատկանող բոլոր արժեթղթերը: Վաճառքի մասին հայտարարությունից հետո Apple-ի բաժնետոմսերի արժեքը 3%-ով ընկել է:
Այքանի խոսքով, նման որոշում է կայացրել այն իրավիճակի պատճառով, որում ամերիկյան կորպորացիան հայտնվել է չինական շուկայում: Չինաստանի իշխանությունները մտադիր են Apple-ի բիզնեսի սահմանափակումներ մտցնել, ինչը կարող է բացասաբար անդրադառնալ ընկերության արտադրանքի վաճառքի վրա: Այս մասին գրում է Lenta-ն՝ վկայակոչելով CNBC-ն:
Icahn Enterprises կորպորացիայի սեփականատեր Կառլ Այքանը Forbes-ի վարկանիշում 17 մլրդ դոլար կարողությամբ զբաղեցնում է 43-րդ հորիզոնականը: 2015 թվականի դրությամբ Այքանն Apple-ի 45.8 մլն բաժնետոմս ուներ (սա կորպորացիայի արժեթղթերի շուրջ 1%-ն է կազմում): Փաթեթը 4 մլրդ դոլար էր գնահատվում:
