Թուրքիայի Քոջաելիում քաղաքային ավտոբուսի մեջ տղամարդը «ձեռք է գցել» մի կին ուղեւորի, ով նկատել ու բղավել է։
Թուրքական Diken պարբերականի փոխանցմամբ՝ Քոջաելիի քաղաքային տրանսպորտում տեղի ունեցած միջադեպը մեծ արձագանք է գտել Թուրքիայում։ Մի տղամարդ ավոտբուսում «ձեռք է գցել» մի կնոջ։ Կինը նկատել ու բղավել է, ինչը իրարանցում է առաջացրել ավոտբուսում։ Ավտուբուսի մյուս կին ուղեւորները, հասկանալով ինչ է տեղի ունեցել, սկսել են ձեռքերով ու ոտքերով հարվածել տղամարդուն։
Մոտակա կանգառ հասնելուն պես ոստիկանները ձերբակալել են տղամարդուն։ Ավտոբուսում տեղադրված տեսախցիկը ֆիքսել է տեղի ունեցածը։