Fiat Chrysler Automobiles դաշինքը մոտ է Google կորպորացիայի հետ գործընկերության համաձայնագիր կնքելուն: Կողմերը բանակցությունների վերջնական փուլում են: Այս մասին հայտնում է Bloomberg-ը՝ վկայակոչելով իրավիճակին մոտ կանգնած իր աղբյուրները:
Նախնական տեղեկությունների համաձայն՝ «Ֆիաթ»-ը եւ «Քրայսլեր»-ը հասանելիություն կունենան Google-ի մշակումներին մեքենաների ինքնավար կառավարման համակարգերի ոլորտում: Google-ի ավտոպիլոտները կօգտագործեն իտալա-ամերիկյան դաշինքի մոդելներում: Ընդ որում, առաջիններից մեկը կարող է դառնալ Chrysler Pacifica մինիվենը: Գործընկերային համագործակցության մասին առավել մանրամասն տեղեկություններ դեռ չկան, փոխանցում է Motor-ը: