Կուբացիները պահանջում են դադարեցնել ավելի քան կես դար տեւող ամերիկյան շրջափակումը: Այս մասին գրում է ՏԱՍՍ-ը:
Մայիսի 1-ի առիթով Հավանայի Հեղափոխության հրապարակում տասնյակ հազար մարդկանց մասնակցությամբ անցկացված միջոցառման ժամանակ Կուբայի Աշխատավորների արհմիության գլխավոր քարտուղար Ուլիսես Գիլարտե դե Նասիմյենտոն հայտարարել է. «ԱՄՆ-ի հետ հարաբերությունների կարգավորման համար պետք է վերացվի շրջափակումը եւ հետ վերադարձվի Գուանտանամոյում ռազմածովային բազայի կողմից ապօրինաբար բռնազավթված տարածքը»:
Նա նաեւ նշել է, որ չնայած երկկողմ բանակցություններին՝ կղզին շարունակում է հավատարիմ մնալ իր հեղափոխական հակաիմպերիալիստական գաղափարներին, ազգերի ինքնորոշման իրավունքի պաշտպանությանն ու եղբայրական երկրներին անվերապահորեն աջակցելուն:
