ԱՄՆ նախագահ Բարաք Օբամայի ավագ դուստրը՝ Մալիան, 2017 թվականի աշնանը կսկսի ուսանել հեղինակավոր Հարվարդի համալսարանում: Այս մասին ասված է Սպիտակ տան տարածած հաղորդագրությունում:
«Նախագահն ու առաջին տիկին Միշել Օբաման այսօր հայտարարեցին, որ իրենց դուստր Մալիան 2017 թվականի աշնանը կսկսի ուսանել Հարվարդի համալսարանում:
Ըստ ՏԱՍՍ-ի, 17-ամյա Մալիան դպրոցը կավարտի այս գարնանը:
Ավելի վաղ պետության ղեկավարը հայտարարել էր, որ իր պաշտոնավարման ժամկետի ավարտից հետո դեռ մի քանի տարի կապրի մայրաքաղաք Վաշինգտոնում: