Բնակարանային գողության կասկածանքով ապրիլի 16-ին ոստիկանության Արտաշատի բաժին բերման են ենթարկվել Արարատի մարզի Աբովյան գյուղի բնակիչներ 34-ամյա Արկադի Մ.-ն եւ 27-ամյա Աշոտ Հ.-ն:
Նրանք ապրիլի 15-ին կեսգիշերից հետո պատուհանը բացելով մտել էին գյուղացիներից մեկի տուն ու գողացել 200 հազար դրամ եւ մոտ 300 հազար դրամի ոսկյա զարդեր:
Պարզվել է, որ նրանք աշխատում էին տուժողի մոտ եւ լավ ծանոթ էին նրա տան ելումուտին:
«Արկոն պիտի խալադելնիկ առներ, փողի կեսը տվել էր, մյուս կեսը չուներ: Ասեց՝ Աշոտ, միակ վստահելի մարդը դու ես, Արթուրի տունը պտի մտնեմ, պետք ա գաս գոնե կանգնես պահակ, որ եթե իրենց ավտոներից գան, ինձ զանգես, դրա համար քեզ կտամ 25 հազար դրամ փող: Արկոն գնաց մտավ, հետ եկավ, ասեց վերցրել եմ 100 հազար դրամ փող ու մի ոսկյա մատանի: Իմ 25 հազար դրամը տվեց ու ասեց՝ գնա ու մոռացի սրա մասին: Ու վսյո: Զղջում եմ, որ համոզվեցի, դրա կարիքը չունեի, բայց գնացի այդ քայլին»,-պատմել է Աշոտ Հ.-ն:
Նա նշել է, որ տուժողն իրենց ծանոթ է. «Մեզ հացուջուր էլ է տվել, ոչ փողի մեջ, ոչ գործի մեջ չի ցավացրել»:
Հարուցված քրեական գործի շրջանակներում Աշոտ Հ.-ն ստորագրությամբ ազատ է արձակվել, իսկ Արկադի Մ.-ն կալանավորվել է:
Առավել մանրամասն տեսանյութում