Ոստիկանությունը տեսանյութ է հրապարակել ապրիլի 18-ին Երեւանի Լենինգրադյան փողոցի վրա գտնվող դեղատներից մեկում տեղի ունեցած ավազակային հարձակման մասին:
Ըստ ոստիկանության տարածած հաղորդագրության, ապրիլի 18-ին ահազանգ է ստացվել, որ դեղատներից մեկում ավազակային հարձակում է տեղի ունեցել:
«Մի մարդ մտավ դեղատուն, իրեն ուշ նկատեցի, մեկ էլ տեսա՝ դիմակով էր: Ասաց՝ չմտածես, որ չեմ խփի, չեմ գողանա... հետո դանակը տեսա ձեռքին, անցավ վիտրինայից էս կողմ ու սպառնաց, որ կխփի եւ գումար պահանջեց: Ես էլ ստիպված բացեցի դարակը»,- ոստիկաններին պատմել էր դեղատան աշխատակցուհին:
Դեղատան տեսախցիկներն արձանագրել են գողության պահը: Ժամեր անց ոստիկաններին հաջողվել է պարզել, որ հիշյալ ավազակային հարձակումը կատարել է ալավերդցի Արման Պետրոսյանը:
Մանրամասները՝ ոստիկանության պատրաստած տեսանյութում: