Լոս Անջելեսի օկրուգի շերիֆը հրաժարական է տվել իր նամակների աճող քննադատության ֆոնին, որոնցում նա Բրբանքի Ոստիկանության դեպարտամենտում աշխատելու ընթացքում ծաղրել է մահմեդականներին, սեւամորթներին, լատինաամերիկացիներին, հայտնում է Americaru-ն:
Եթե ավելի վաղ նրա վերադասը` Ջիմ Մակդոննելը ոչ մի անմիջական պլան չուներ Թոմ Էնջելսի նկատմամբ կարգապահական միջոցների առումով, այժմ նա ընդունել է հրաժարականը եւ պատրաստվում է ձեռք բերած փորձը կիրառել ապագա աշխատակիցների նկատմամբ:
«Ես խորապես անհանգստացած եմ այս միջադեպից: Չնայած Դեպարտամենտի շերիֆի վերջին ջանքերին հասարակության եւ իրավապահ մարմինների միջեւ վստահության ամրապնդման, ներքին եւ արտաքին հաշվետվելիության բարձրացման ուղությամբ, մենք դեռ աշխատելու բան ունենք», - ասել է Մակդոնելլը:
Նա հավելել է, որ այժմ պատահական կարգով կստուգվի աշխատակիցների էլեկտրոնային փոստը, ինչպես նաեւ հանդիպումներ կանցկացվեն, որոնց ընթացքում կքննարկեն, թե ինչպես բարելավեն փոխըմբռնումը տարբեր մշակույթների եւ կողմնորոշումների միջեւ: