ԱՄՆ Օվկիանոսագիտական ու մթնոլորտային հետազոտությունների Okeanos Explorer ազգային վարչության գիտարշավի մասնակիցները հայտնաբերել են մեդուզայի մինչ այդ անհայտ տարատեսակ:
Արտասովոր տեսքով ջրային արարածին տեսագրել է ջրային տեսախցիկը, Մարիանյան խոռոչի ստորջրյա սարի մոտ, որի ոչ պաշտոնական անունը Էնիգմա է: Գնդաձեւ մեդուզան, որն ասես անիմատոր նկարիչների ստեղծած կերպար լինի, գտնվում էր 3700 մետր խորության վրա, հայտնում է RG-ն :
Հետազոտողները ենթադրում են, որ այդ արարածը գիշատիչ է: Այդ մասին են վկայում նրա անշարժ դիրքը ու առաջ ձգված շոշափուկները, որոնք երեւում էն տեսագրության սկզբում:
Գիտնականների նախնական կարծիքով այս հետաքրքիր արարածը պատկանում է Crossota ընտանիքին, որում կան հինգ տեսակի մեդուզաներ: