Միջազգային առեւտրի կանոնները պիտի սահմանվեն աշխարհի բոլոր երկրների կողմից` համատեղ, ոչ թե թելադրվեն մեկի կողմից, երեքշաբթի հայտնել է ՉԺՀ-ի ԱԳՆ-ի պաշտոնական ներկայացուցիչ Հուն Լեյը` մեկնաբանելով ԱՄՆ-ի նախագահ Բարաք Օբամայի հայտարարությունը, հայտնում է «ՌԻԱ Նովոստին»:
Washington Post-ում հրապարակված հոդվածում Օբաման հայտնել էր, որ Անդրխաղաղօվկիանոսյան համագործակցության (ԱԽՀ) վերաբերյալ տնտեսական համաձայնագրի ստորագրումը ԱՄՆ-ին թույլ կտա սահմանել համաշխարհային առեւտրի կանոնները, որոնց կհետեւեն մնացած բոլոր երկրները: Օբաման հայտնել է, որ «ԱՄՆ-ը պիտի գրի առեւտրի կանոնները, որ թե Չինաստանի նման երկրները»:
«ԱՄՆ-ը շատ հավակնոտ է, երբ նման հայտարարություններ է անում, բայց վախենում եմ, թե հաշվի չի առնում երկարաժամկետ հեռանկարները: Միջազգային առեւտրի կանոնները պիտի սահմանվեն աշխարհի բոլոր երկրների կողմից` համատեղ, ոչ թե թելադրվեն մի երկրի կողմից», — ճեպազրույցին հայտնել է Հուն Լեյը:
Նա հավելել է, որ Չինաստանը բաց է ԱԽՀ-ի համար եւ ելնում է նրանից, որ ԱԽՀ-ն եւ Տարածաշրջանային բազմակողմանի տնտեսական գործընկերությունը (ՏԲՏԳ, RCEP) կարող են փոխլրացնել իրար Ասիական-Խաղաղօվիանոսյան տարածաշրջանում ազատ առեւտրի գոտու ստեղծման գործընթացում:
