Գիտնականները ենթադրում են, որ ամերիկյան Ռոյ Այլենդ նահանգի ափերի մոտ հայտնաբերվել է խորտակված «Ինդեւոր» նավը:
Հետազոտողները ենթադրում են, որ իրենց հաջողվել է հայտնաբերել առասպելական ճանապարհորդ Ջեյմս Քուքի «Ինդեւոր» նավը: Խորտակված նավը հայտնաբերվել է ամերիկյան Ռոյ Այլենդ նահանգի Նյուպորտ քաղաքի ափերի մոտ, որտեղից ոչ հեռու հայտնաբերել են եւս մի քանի նավի բեկորներ, հայտնում է Life-ը` վկայակոչելով CNN-ին:
Հեռուստաալիքը նշում է, որ «Ինդեւորը» կարող էր բրիտանական նավատորմի մաս կազմել եւ ջրասույզ լինել 1778-ին ճակատամարտերից մեկի ընթացքում:
Ջեյմս Քուքը «Ինդեւոր»-ով նավարկել է 1768-ից մինչեւ 1771-ը: Նրա օգնությամբ հաջողվել է հայտնաբերել Ավստրալիայի արեւելյան ափը: