Ֆիլադելֆիայի Apple Store-ում կալանավորել են մորուքավոր մի տղամարդու՝ սպիտակ երկար տունիկա հագած։ Իրեն Հիսուս Քրիստոս անվանող երիտասարդը խանութ էր մտել էլեկտրոնային փոստը ստուգելու համար, գրում է The Guardian-ը։
Մուտքի մոտ նա թողել էր մեծ փայտյա խաչ, որը խանգարում էր անցուդարձին։ Անվտանգության աշխատակիցները մի քանի անգամ խնդրել են լքել խանութի տարածքը, քանի որ մյուս հաճախորդները չէին կարողանում մտնել։ Ավելի ուշ նրանք ոստիկանություն էին կանչել, ինչից հետո «Հիսուսին» կալանավորել էին։
Պարզվել է, որ Մայքլ Գրանտը տեղի հայտնի դեմքերից է։ Նա սիրում է երկար հագուստ կրել եւ շրջել քաղաքով։