Բրյուսելում եւ Բելգիայի ֆրանսախոս Վալոնիայի շրջանում իններորդ օրն է, ինչ շարունակվում է բանտի հսկիչների գործադուլը, հայտնել է RTBF հեռուստաընկերությունը:
Բանտապահները պահանջում են ոչ միայն աշխատավարձի բարելավում, այլեւ առաջին հերթին բանտերի գերբեռնվածության խնդրի լուծում թագավորության տարածքում:
Փորձագետների կարծիքով, տվյալ խնդիրը հանգեցնում է բանտարկյալների շրջանում ագրեսիվության աճի, որոնց երբեմն չեն կարողանում վերահսկել նաեւ բանտային պահապանները:
Բելգիայի պատժիչ հաստատություններում վերջին տարիներին հաճախացել են փախուստների, դատապարտվածների շրջանում խոշոր ծեծկռտուքների, պահապանների վրա հարձակումների դեպքերը, աճում է նաեւ բանտարկյալների շրջանում թմրանյութերի օգտագործումը:
Բանտերի գերբեռնվածության խնդրի լուծման համար բելգիայի պատժիչ հաստատությունների ղեկավարները ներդրել են հարեւան Հոլանդիայում բանտային խցիկների վարձակալության պրակտիկան, հայտնում է «ՌԻԱ Նովոստին»:
