Իրանը պատրաստ կլինի ՕՊԵԿ-ի՝ արդյունահանման քվոտավորման քաղաքականությանը միայն նավթի արդյունահանման ու արտահանման մինչպատժամիջոցային մակարդակին հասնելուց 1-2 ամիս անց, հայտնել է Իրանի Ազգային նավթային ընկերության տնօրեն Ռուքնեդդին Ջավադին փոխանցում է «ՌԻԱ Նովոստին»
Ապրիլի վերջին Ջավադին հայտնել էր, որ Իրանը մինչեւ այս տարվա հուլիս կվերականգնի նավթի արդյունահանման մինչպատժամիջոցային մակարդակը՝ օրական 4 մլն բարելը:
Իրանի դիրքորոշումը տարաձայնությունների պատճառ էր դարձել Դոհայում նավթարդյունահանող երկրների հանդիպման ժամանակ՝ ապրիլի 17-ին, երբ քննարկվում էր նավթի ծավալները հունվարյան մակարդակի վրա սառեցնելու հնարավորությունը:
Հանդիպման մասնակիցները այդպես էլ համաձայնության չէին եկել այդ հարցի շուրջ: ՕՊԵԿ մի շարք երկրներ՝ առաջին հերթին Սաուդյան Արաբիան անսպասելիորեն պնդել էր, որ այդ համաձայնությանը պետք է մասնակցեն ավեի շատ երկրներ՝ այդ թվում ՕՊԵԿ բոլոր անդամները:
Հաջորդ անգամ այս հարցը քննարկվելու է ՕՊԵԿ երկրների հունիսյան հանդիպման ժամանակ, Վիեննայում:
