Որեւէ վտանգ չկա նրանում, որպեսզի Հայաստանի Ազգային Ժողովը քննարկի ԼՂՀ ճանաչման մասին օրինագիծն ու հանդես գա համապատասխան որոշմամբ: Այս մասին մայիսի 5-ին «Լեռնային Ղարաբաղի Հանրապետության ճանաչման հնարավոր հետեւանքները» թեմայով քննարկման ժամանակ հայտարարեց ՀԱԿ արտաքին կապերի պատասխանատու Վլադիմիր Կարապետյանը:
Նրա խոսքով, Հայաստանի իշխանությունը կարծես հետեւում է առաջին նախագահ Լեւոն Տեր-Պետրոսյանի՝ 2008 թվականի նոյեմբերին ցույցի ընթացքում արված առաջարկությանը, որ Հայաստանի խորհրդարանի կողմից ԼՂՀ-ի ճանաչման համար հարմար պահ է եկել, ինչից հետո անհրաժեշտ, սահմանված կարգի համաձայն, ճանաչման մասին փաստաթուղթն ուղարկել Նախագահի աշխատակազմին:
«Իսկ Նախագահի աշխատակազմը կարող է դադարեցնել որոշման ընդունման գործընթացը եւ այն ընդունել ըստ անհրաժեշտության»,- հավելեց Վլադիմիր Կարապետյանը:
Հիշեցնենք, որ կառավարությունը մայիսի 5-ի նիստում հավանության արժանացրեց խորհրդարանի երկու պատգամավորների ներկայացրած «Արցախի Հանրապետությունը ճանաչելու մասին» օրինագծի շուրջ եզրակացությունը: Օրինագիծը խորհրդարանի արտաքին հարաբերությունների մշտական հանձնաժողովում կքննարկվի ներկայացման պահից սկսած 30 օրվա ընթացքում (ժամկետը լրանում է մայիսի 19-ին):
