Փհենյանում Օտարերկրյա լրագրողներին թույլ չեն տվել մտնել նիստերի դահլիճ, որտեղ ընթանում է Հյուսիսային Կորեայի Աշխատանքային կուսակցության համագումարը, հայտնում է ՏԱՍՍ-ը։
Հաղորդվում է, որ Հյուսիսային Կորեա հրավիրված լրագրողներին թույլ են տվել ազատ շփվել անցորդների հետ, իսկ հեռուստաօպերատորներին՝ նկարահանում իրականացնել շենքի մոտակայքում։ Համագումարին հրավիրվել էին լրագրողներ ԱՄՆ-ից, Ճապոնիայից, Իսպանիայից, Ռուսաստանից, Չինաստանի, Ֆինլանդիայից եւ մի շարք այլ երկրներից։
Սա Աշխատանքային կուսակցության առաջին խոշոր համագումարն է 36 տարվա ընթացքում։
