ԱՄՆ-ն մտահոգված է Hürriyet թերթի երկու լրագրողների դեմ Թուրքիայում կայացված դատավճռով ու երկրի կառավարությանը կոչ են անում կատարել քաղաքացիական իրավունքների ու ազատությունների ոլորտում իրենց ստնաձնած պատավորությունները: Այս մասին ասվում է ԱՄՆ պետդեպարտամենտի մամուլի ծառայության ղեկավար Ջոն Քիրբիի հայտարարության մեջ:
«Միացյալ նահանգները մտահոգված է Hürriyet թերթի գլխավոր խմբագիր Ջան Դյունդարի ու Անկարայում նրա բյուրոյի ղեկավար Էրդեմ Գյուլի գործով դատավճռի կապակցությամբ»,- նշել է ամերիկյան դիվանագետը:
Նա շեշտել է, որ «ԱՄՆ-ն պաշտպանում է տեսակետների արտահայտման ազատությունը ու կոչ անում Թուրքիայի իշխանություններին պաշտպանել անկախ ու ազատ լրատվամիջոցներին, որոնք ժողովրդավարական ու բաց հասարակության կարեւոր բաղադրիչն են»:
«Մենք նորից կոչ ենք անում Թուրքիային պահպանել իր պարտավորությունները, որոնք բխում են նրա սեփական սահմանադրությունից ու ԵԱՀԿ պայմանավորվածություններից ու վերաբերում են ժողովրդավարության հիմնարար սկզբունքներին ՝ այդ թվում արդարացի դատավարությանը, անկախ դատարանին ու տեսակետների ատահայտման ազատությանը»,- հայտնել է Քիրբին, փոխանցում է ՏԱՍՍ-ը:
Մինչ այդ ստամբուլյան դատարանը պետական գաղտնիքը հրապարակելու համար Hürriyet-ի լրագրողներին դատապարտել է բանտարկության: Թերթի գլխավոր խմբագիրը ազատազրկվել է 5 տարով ու 10 ամսով, իսկ նրա գործընկերը՝ 5 տարով: Նրանց գործով վերջնական որոշումը կընդունի Գերագույն դատարանը:
